Ang Aking Bakasyon sa Malaysia at Singapore ni Grace Uy

Ang Aking Bakasyon sa Malaysia at Singapore

ni Grace Uy

Noong 2011, napagplanuhan ng aking mga magulang na magbakasyon sa Malaysia at Singapore. Ako’y labing-isang taong noong ako’y unang nagbakasyon sa labas ng bansa. Laking tuwa ko noong nalaman ko na makakasama ako sa kanila dahil sobrang tagal kong pinangarap na makasakay sa eroplano at makapunta sa ibang bansa. Una kaming nanatili sa Malaysia bago makapunta sa Singapore. Kami’y bumisita sa night market noong dumating kami sa Malaysia at alalang-alala ko pa ang amoy ng mga Malaysian sa night market. Nagtanong ako sa magulang ko kung bakit ganun ang amoy ng mga tao dun at kung normal lang ba yun. Ang sagot naman ng mga magulang ko ay normal lang yun at nakukuha nila ang amoy na yun sa mga kinakain nila. Sa sumunod na araw, kami ay nagpunta sa isang “amusement park.” Labis ang aking kalungkutan dahil nasabayan kami ng ulan noong bumisita kami doon. Mas lalo akong nalungkot dahil hindi ko man lang nasulit ang aming bayad at hindi ako nasiyahan dahil kakaonti lamang ang aming nasakyan na rides. Sa pangatlong araw namin sa Malaysia, kami ay naman ay nagpunta sa Lord Murugan Statue. Ako’y namangha noong nasilayan ko ang rebultong iyon dahil sa laki niya at sa kanyang gintong kulay. Sinubukan namin akyatin ang hagdan papunta sa kweba Ngunit hindi din namin ito natuloy dahil sa sobrang pagod at sa dami ng baitang.

Bago kami nakarating sa Singapore ay napagsabihan ako ng aking mga magulang na ang bansang iyon ay isang “multilingual nation” at hinikayat nila akong mas pagaralan ang pakikipagusap gamit ang Mandarin dahil ang ibang mamamayan sa Singapore ay gumagamit ng lenggwaheng iyon at dahil ito din ang isang paraan upang maintindihan namin ang isa’t-isa.

Ang Singapore ay binansagang “food capital of Asia” at masasabi kong totoo iyon. Hindi ka agad magsasawang lumamon dahil mayroong Chinese, Indian, Malay, Indonesian at Western na kainan sa Singapore.

Ang “main streets” sa Singapore ay okupado, makulay at puno ng “street food.” Magandang gumala o mamasyal sa kalsada ng Singapore pag gabi dahil iyon ang mga oras na magsisibukasan ang mga “street lights” at “city lights.”