Bes…Miss mo n@ ba si Marc0s? ni Zedric Bisenio

Bes…Miss mo n@ ba si Marc0s?

ni Zedric Bisenio

Aminin natin – nakakawalang gana talakayan ang politika tulad ng mga jokes ni Tito Sotto at kontraktuwalisasyon sa samabayanang Pilipino na kung saan ang konsepto nito ay hindi nakatatak sa puso’t isip ng mga tao dahil sa pagmamalakad nito ng mga kurakot na laging lumalabag sa batas, sumisingot ng shabu mula sa Bilibid at ng mga iba pang klase na Gobyerno. Sa halip, mas gusto pa natin pag-usapan ang mga tsismis ni Bimby na kinagat ng langgam at lamok sa kanyang eskwela at mas lalo natin gustong pag-usapan ang weightlifting habits ni Kuya Josh. Ngunit pag-pinagusapan natin ang pangalang “Marcos” sa kontexto ng mamamayang Pilipino para lang din natin pinag-usapan ang mga alamat na nakakatapat sa mitolohiya ni Hitler o ni Kennedy. Nagiging alamat ang mga kwento ni Ferdinand Marcos sa mga pilipinong nasawa na sa mga paglipas ng administrasyon nina Arroyo o ni Aquino na kung saan naniwala sila na mas maganda ang kalagayan ng mga Pilipino sa panahon na may disiplina tulad ng mga curfews at police patrols, mababa ang krimen dahil sa introduksyon ng Death Penalty sa pamamagitan ng Lethal Injection, madaming gusali tulad ng PICC at mas mababa ang presyo ng bilihin sa ilalim ng the greatest president that we never had. Sa madaling salita – Marcos pa rin mga ulol. Magaling nga, pero parang sinabihan mong astig at magaling ang isang taong nahuli mong ninanakaw ang gamit mo pagkatapos bantanan ng misis mo sa sarili mong kuwarto at biglang nakatakas sa bintana na mapasabi ka ng “S***, ang galing nun, ha!”. Ang tanong – Kaninong perspektibo nanggaling ang ganitong naratibo? Bayani naman si Marcos base sa kanyang ginawa niya diba? Waw, Meyn nakakalito noh? Mahirap isipin na nakatira tayo sa panahon na madali tayong nadala sa Historical Revisionism na kung saan naging proseso ito na ang kapangyarihan ng isang estado ay kakayahan na ibahin kung ano ang katotohanan sa kasaysayan. Gayunpaman, namiss na ba ng madla si marcos at pinatawad na ba ng bayan sa kanyang mga kasalanan laban sa sanlibutan? Kung ganoon ang tanong, subukan natin tingnan ang perspektibo sa panahon ni Marcos hindi sa mga Historical textbooks na nabasa mo noong elementarya o sa mga experto sa larangan ng Kasaysayan at sa mga gobyerno na may hegemony sa mga naratibo ng kasaysayan kundi sa mga ordinaryong tao na sumama sa rally ng ’86, sa mga pilipino na nasa edad ng 45 pataas na may sikolohikal na sakit dulot ng torture methods mula sa Martial Law at sa mga mangmang na nagbebenta ng yosi sa Espana. Baka masabi mo rin sa sarili mo- “S***, ang galing nun, ha!”.