Kontratktwalisyon ni Riva Caragdag

Kontratktwalisyon

ni Riva Caragdag

Ang kontraktwalisasyon ay ang ginagawa ng mga amo sa kanilang manggagawa kung saan sila ay nagbibigay ng kontrata sa kanilang manggagawa na naglalahad na sila ay magtatrabaho para sa kanila sa loob ng anim na buwan. Ngunit ito ay hindi maganda para sa mga manggagawa dahil sila ay mawawalan ng trabaho at mahihirapan nanaman maghanap ng panibagong hanap buhay.

Ang kontraktwalisasyon ay isang problema na hinaharap ng mga manggagawa sa ating bansa sa kasalukuyang panahon dahil sila ay nahihirapan sa paghahanap buhay. Ang pinakanaaapektuhan sa kontraktwalisasyon ay ang mga bagong tapos ng kolehiyo. Dahil sila ay wala pang karanasan sa pagtatrabaho, hindi sila agad agad magkakaroon ng trabaho. Sila na ay nahihirapan at kung kailan sila ay magkakaroon ng trabaho, ito pa ay hindi permanente dahil sa kontraktwalisasyon.

Ayon sa PSA (Philippine Statistics Authority), Mahigit isang milyong Pilipinong manggagawa ay walang regular na posisyon sa kanilang mga kompanya noong taong 2014. Base sa kanilang pananaliksik  tungkol sa Non-Regular workers, inilalahad doon na 1. 336 milyon na manggagawa ang hindi regular.

Dahil laganap ang kontraktwalisasyon sa ating bansa, mas dumadami ang mga mamamayan na walang hanap buhay. Kung patuloy ang pagkalaganap ng kontraktwalisasyon, mas dadami ang mga walang trabaho at magiging mas laganap ang kahirapan sa ating bansa.