LUMA NA NGUNIT HINDI PA RIN NALULUMA ni Patricia Astudillo

LUMA NA NGUNIT HINDI PA RIN NALULUMA

ni Patricia Astudillo

            Alam kong sanay na kayo sa usapang Marcos kaya’t paumanhin kung sila ay mababanggit ko nanaman sa sakaysay na aking gagawin pero, tanong ko lamang, Nakapunta ka na ba ng Ilocos Norte o kaya sa Ilocos Sur? Aking masasabi na maganda ang pamamalakad nila dito sapagkat napapanatili ng Ilocos ang kagamdahan nito, at kahit ang Ilocos ay luma na, hindi pa rin ito naluluma, tila ay napaka ganda pa rin nito at pinupuntahan ng sobrang raming tao tuwing bakasyon na. Aba! May maganda naman palang nagawa ang mga Marcos? Natawa ka no? O siya,bakakasawang banggitin ang mga pangalan nila kung kaya’t tayo ay mag pokus sa Ilocos at sa Ilocos lamang — kung gaano kaganda ang Ilocos.

            Matagal na akong pumunta doon – siguro mga apat na taon na din ang nakakalipas simula noong pumunta ako doon, ngunt sa maniwala ka o sa hindi, alalang alala ko pa din ang lahat ng aking nakita sa nasabing lugar, simulan natin ito sa byahe, hindi kami nageriplano nun sa kadahilanan na uto ay mas may kamahalan sa presyo kung kaya’t ang ginamit namin papunta don ay isang van, tumagal ang byahe ng mahigit sa walong iras bago namin makita ang unang lugar na binabaan namin – ang Patapat Viaduct (ito ay isang tulay sa Pagudpod, Ilocos Norte na madadaanan mo). Mga bandang ala-singko ng umaga noon kami ay makarating doon sa tulay kung kaya’t nasilayaan din namin ang pagsikat ng araw doon. Sino ba ang makakalimot sa Calle Crisologo ng Ilocos Sur? Noong nakapunta ako dito, namangha ako sapagkat doon ko nakita ang kagandahan ng isang lugar na napaglumaan na. Ito rin ang pinaka fdinadayo ng mga turista nang dahil sa kagandahang taglay ng kalyeng ito. Makakalimutan din ba natin ang mga windmills sa Ilocos! Ito ang kadalsang ginagamit sa mga larawang nag r r espresenta ng lugar na iyong kaya impossibleng hindi mo alam ang mga ito. Ang masasarap ng pagkain ng Ilocos na empanada at longganisa, oh diba! Pilipinong Pilipino!

            Noong ako ay bata pa lamang, akala ko sa internet ko na lamang makikita ang dating anyo ng bansang aking kinakakihan, ngunit noong ako ay nagtungo sa Ilocos, nakita ko ang akala kong hindi ko na makikita at ito ay napakaganda. Sabi nga nila, bago ka pumunta at libutin ang ibang bansa, libutin mo muna ang sarili mong lupa, ang Pilipinas – sapagkat marami kang makikitang maganda rito at magugulat ka na sa atin pala ang mga ito. Isa lamang ang napatunayan ko noong ako ay pumunta ng Ilocos, tunay ngang ang luma ay hindi pa rin naluluma. Kaya kung di pa kayo nakakapunta ng Ilocos? Ito na, bakasyon na, baka gusto niyong magtanaw sa nakaraan, Ilocos ang puntahan.