Sambayanan ni Grace Uy

Sambayanan 

ni Grace Uy

Sa paglipas ng panahon, unti-unti akong tumatanda at nakakapansin ng pagbabago sa aking pagkatao. Hindi lamang sa pisikal na aspekto kundi meron ding pagbabago sa aking pangkaisipan, kilos, at paniniwala. Isa siguro sa dahilan ng aking pagbabago ay ang mga nagaganap sa aking paligid at sa aking buhay. Nababago ng lipunan ang aking pagkatao sa pag control sa aking buhay. Paano? Nakikita ko nalang ng biglaan ang sarili ko na nagpupursigeng isaayos ang aking sarili upang makisama sa mga tao sa aking paligid. Sa panahon ngayon, ang “society” o lipunan ang naghuhugis ng ating pagkatao dahil ang isa satin ay napipilitang gawin ang mga bagay na gugustuhin ng ibang tao kesa sa ating sarili. Pano nga ba nakakaapekto ang lipunan sa bawat isa satin? Una sa lahat, nililimitasyon nito ang ating mga pag-uugali sapagkat nagkakaroon tayo ng takot na mahusgahan. Pangalawa, natutuksuhan tayong magsinungaling. Isang dahilan nito ay ang matustusan natin ang inaasahan ng lipunan o ibang tao tungkol sa ating mga katangian. At pangatlo, sanhi ito ng takot ng ibang tao na maipakita ang kanilang totoong pagkatao sa publiko.

Kapayapaan para sa buong mundo ay dapat magsimula sa bawat isa satin. Ito ang pangunahing prinsipyo sa pagkakaroon. Ngunit sa ibang rason, mas pinapangunahan natin ang pagbago sa ibang tao at bagay na nakapaligid satin kaysa sa pagbabago saating sarili. Kung mas gugustuhin natin ng mas mapagmahal at pantay na sosyedad, dapat tayo maging mapagmahal at makatarungan. Napapaisip ako na bakit ko kailangang baguhin ang pagkatao ko kung wala namang mali saakin? Hindi din naman ako ang dahilan ng mga nakasisindak na bagay na naisama sa ating kultura. Pero alam ko sa sarili ko na may responsibilidad ako sa isang mahalagang bagay at responsibilidad ko din ang aking sarili.

Marami tayong mga inaasahan pero higit sa lahat, mayroon din tayong pagkakatulad. Umaasa tayong lahat na mamuhay ng mapayapa, magmahal at mahalin, at mabago ang mga mali sa sosyedad. Bakit nga ba hindi pa natin ito maumpisahan? Siguro dahil tayo mismo ang “lipunan.” Kakailanganin na nating bigyang responsibilidad ang parte naten sa pag-ambag ng mga negatibong bagay sa lipunan. Mali na sabihan ang ibang tao na wag mang husga kung alam naman natin sa sarili natin na tayo rin, ay mapanghusga.

Isang magandang ideya na baguhin ang ating mga sarili and maging mabuting halimbawa upang makamit ang hinahangad nating kapayapaan. Hindi dapat tayo “ma-guilty” kung hindi naten magagwa ang gusto natin. Walang perpekto sa mundo at walang umaasam na maging perpekto ka pero inaasahan ka padin na subukan ito o sumubok. Gawin mo ito para sa iyong sarili at malalaman mo kung sino ang susunod sa iyong mga yapak.